حوار بين الشباب والصبايا

موضوع: حوار بين الشباب والصبايا 21/7/2008, 9:52 pm

الموضوع عبارة عن حوار
وفكرة هذا الحوار [ الساخن ]
عبارة عن حوار مثير بين فريقين
فريق [ البنات ]
وفريق [ الشباب ]

أتمنى ان يكون هذا الحوار .. حوار راقي بأقلامكم المتميزة

هناك أمور تكرهها المرأة في الرجل أو لا تستطيع فهمها
(( و ))
هناك أمور يكرهها الرجل في المرأه أو لا يستطيع فهمها

وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة
وموضوعية وبعيد عن التعصب حتى نستمتع و نخرج منه بنتائج إيجابية

[ بداية الحوار ]
سيقوم فريق الشباب بطرح تساؤل عن أمر معين لا يعجبه في البنات وسيقوم فريق البنات بالرد وتبرير الموقف
وبعد إعطاء الإجابات والمبررات الكافية يصبح فريق البنات في وضع الهجوم
ويطرح سؤال على فريق الشباب ..... وهكذا يستمر الحوار

[ملاحظة]
يحق للجميع المشاركه وابداء الرأي
وأرجوا أن نكون مع الحق دائماً بعيداً عن الإنتماء و التحيز
ووقت اللي يتغير فيه السؤال -أي بعد يوم من كل سؤال- يحق لأي بنت أو أي شاب طرح السؤال

واتمنى من الجميع المشاركة والاجابه بكل صـراحه ومصداقيه

(( السؤال )) (( ليش البنت يوم تكون لابسة ئط ومش ئط ومن الحكي هاد ويطلع فيها شب
بتسوق الشرف على حظو؟؟

علشان البنات مو متل بعضهم ولانها مو فاهمة دينها على اصولو او انها ندلة واحيانا شوفة الحال بتجر الشب جر

ليش الشب بسمح لحالو يحكي مع بنات الناس ومع ذلك بيمنع اختو انها تحكي مع شباب بحجة انها بنت ناس
بس انا برأي انو ما دامو هادا اخوها وبحكي مع البنات فهو مو ابن ناس وبالتالي بطالع اختو مو بنت ناس يا ريت الاقي ردود من الشباب ومش غلط الصبايا كمان

انا بدي اجاوبك ...

لو أختو طالعة ولابسة شي مخل للأدب بدو يسكر نيعو ويتحمل
او انو ما يطلعها هيك من الاصل ..

وكلامك صح ليش يطلع بالاصل بس والله الواحد يوم بشوف هيك شي

غصب عنو بدو يطلع ههههه هلئ انتي لو شفتي مليون دولار بالشارع

مش بدك تطلعي عليهن هههه وهاد يلي بصير ..

بس انا يلي بقصدو هي لابسة هيك لازم تتحمل كل شي ..

او تلبس شرعي وقتها اذا حد حكى معها تسلخو كف تنزل سنانو

وطبعا هاد الحكي مش ان البنت يلي لابسة شرعي كلها شرف

طبعا مش الكل انا بحكي عن البنات يلي السؤال بخصهن ..

يلا اشوف ردود ..

يعني البنت بالنسبة لشب شقفة ورقة مكتوب عليها دولار؟؟؟؟؟؟
بس انت ما جاوبت ع سؤالي صح او يمكن مش عارف الجواب

الوردة البنفسجية كتب:: يعني البنت بالنسبة لشب شقفة ورقة مكتوب عليها دولار؟؟؟؟؟؟
بس انت ما جاوبت ع سؤالي صح او يمكن مش عارف الجواب

بلا شو مش عارف اجاوب بس مع الاسف انا جاوبت على كل المكتوب

ويا ريت اذا في سؤال تحددي ..

بعدين انا اعطيت مثال المصاري وأكيد البنت مش مثل الدولار ..

بس في بنات ارخص من الدولار مع الاحترام للجميع ..

انا ما كان قصدي عن اللبس لانو انا بعرف شو يعني البنت تنزل من البيت نص مش لابسة بس سؤالي عن النت

انو يعني ليش الشب بسمح لحالو يحكي مع بنات الناس ومع ذلك بيمنع اختو انها تحكي مع شباب بحجة انها بنت ناس بس انا برأي انو ما دامو هادا اخوها وبحكي مع البنات فهو مو ابن ناس وبالتالي بطالع اختو مو بنت ناس يا ريت الاقي ردود من الشباب ومش غلط الصبايا كمان

الوردة البنفسجية كتب:: انا ما كان قصدي عن اللبس لانو انا بعرف شو يعني البنت تنزل من البيت نص مش لابسة بس سؤالي عن النت

انو يعني ليش الشب بسمح لحالو يحكي مع بنات الناس ومع ذلك بيمنع اختو انها تحكي مع شباب بحجة انها بنت ناس بس انا برأي انو ما دامو هادا اخوها وبحكي مع البنات فهو مو ابن ناس وبالتالي بطالع اختو مو بنت ناس يا ريت الاقي ردود من الشباب ومش غلط الصبايا كمان

مين احكى هاد الحكي ... بقدر اعرف من وين جبتي .. ههههه يا بنت اذا انتي مش قد الحوار

ما تيجي هون ... بعدين تحكيلك شغلة هاي طبيعة الانسان هيك مش بس الشباب ..

مثال .. اذا الاب بكون يدخن .. يمنع الاولاد عن التدخين ..

وبعدين هو بنصح اختو لان الواحد ما بعرف شو طبيعة الشباب يلي بنحكى معهم او طبيعة الصداقة
يلي بينهم ... وما اظن اذا هي بدها تحكي او مقتنعة بشي بدها تروح وتسمع الكلام يلي حكى لانها
رايحة تصير تحكيلو هي انت بتعمل هيك مثلا ...

سؤالي :: ليش البنت اذا شافت شب مسموح الها تعلق عليه والعكس غير صحيح ؟

مين قلك ع شو بدها تعلق بالشب ع جماله مثلا اساسا احنا اللي شايفينه انو الشباب يلي بعلقو بعدين انا بدخل وانا عارفة حالي انو انا قد الحوار والنقاش والرد كمان وبحب اقولك شغلة ما ترمي كلام متل بعض الناس

الوردة البنفسجية كتب:: مين قلك ع شو بدها تعلق بالشب ع جماله مثلا اساسا احنا اللي شايفينه انو الشباب يلي بعلقو بعدين انا بدخل وانا عارفة حالي انو انا قد الحوار والنقاش والرد كمان وبحب اقولك شغلة ما ترمي كلام متل بعض الناس

اولا ما تزعلي لان هاد نقاش وانا اذا بحكي اي شي يكون مزح ما تاخدي كل شي جد
اوكى واذا الموضوع بدو يعمل زعل خلص ما بدنا اياه ...

.............................

لا لا انتي ما فهمتي قصدي بالسؤال ..

القصد : مرئ شب مسموح البنت ترمي كلام عليه ..

بس الشب : اذا مرئت بنت ممنوع الشب يحكي اي شي ..

مع ان اذا جيتي على المنطق 2 مننوع يحكو على بعض ..

اوكى ويا ريت يكون النقاش بدون عصبية ..

وانا ما بناقش علشان عدو او لا هاد كلو مزح وانا بجوز اكتر واحد بالمنتدى

بموت على البنات ..

بس انا هيك بعمل علشان نعمل جو بالمنتدى مش اكثر ..

انا مو عصبية ولا شي ولا حتى بحكي بعصبية بالعكس انا بكون كتير رايقة لما اناقش وعلى الموضوع اساسا اذا رمت البنت كلام للشب في الشارع هو ما راح يسكتلها وراح يرمي كلام وبالتالي ما في حد ظلم حد وهيك بتكون البنت ندلة والشب اندل وشكرا ع ه الموضوع الحلو واللي ممكن يشارك الجميع فيه

شو ها الحوار الساخن مواضيع مهمة كتير و اسئلة مباشرة و اجوبة حلوة
مشكورييييييييييييين ع ها الموضوع وكمان حابة اجاوب اننو البنت مش معقول ترمي كلام لشب لانها ما بترضاها ع حالها الالالالالالالالالالالالا اذا كانت زي ما انت قلت ارخص من الدولار و بتسمح لحالها و بدني نفسها فهي بتكون ما بتفهم مشكور مع احترامي للجميع

موضوع حلو كتير والكل لازم يشارك فيه يله نبدأ سؤال جديد
ليش الشب لما يحب بدو تكون اللي بحبها معطيته كلشي يشوفها ويحكي معها تلفونات و ع النت وتبعتلو صورها ويتقابلو وهيك ولما تجي اخته تصاحب وحده زيها بقلها ما تمشي مع هيك وحده هاي وحده اخلاقها مو منيحه
كيف برضاها ع حبيبته وما برضى ع اخته تصاحب وحده متل هيك
شاركونا بالردود شباب سبايا

ليش الشب لما يحب بدو تكون اللي بحبها معطيته كلشي يشوفها ويحكي معها تلفونات و ع النت وتبعتلو صورها ويتقابلو وهيك ولما تجي اخته تصاحب وحده زيها بقلها ما تمشي مع هيك وحده هاي وحده اخلاقها مو منيحه ...

انا من جهتي عمري ما شفت هيك لان الواحد بفتخر في حبيبتو مش بحكي عليهااا
بس يلي بعمل هيك .. هاد شي ما بكون يحب .. بكون يتسلى بـــســ ..
.....................

اها صح يا عزاب الحب يلي بعمل هيك بس بيكون يتسلى ويلعب ببنات الناس ولو هي كانت بنت ناس اصلا ما كانت بتعمل هيك وشكرا ع الموضوع